Becas Licenciados, graduados y diplomados en Biblioteconomía y Documentación

Convocatoria de 74 bolsas de práctica laboral para titulados universitarios en centros e servizos dependentes da Deputación Provincial.

As instancias dirixiranse ó Ilmo. Sr. Presidente da Deputación de Pontevedra e presentaranse no modelo oficial ANEXO II, no rexistro xeral da institución provincial no prazo de 20 días hábiles, contados a partir do día seguinte ó da publicación desta convocatoria no Boletín Oficial da Provincia de Pontevedra.

Requisitos

Poderán ser beneficiarios destas bolsas as persoas físicas que, tendo plena capacidade de obrar e non estando inhabilitadas para obter axudas e subvencións públicas, reúnan os seguintes requisitos:

1. Ter a nacionalidade española ou ser nacional dun dos países membros da Unión Europea.
2. Posuír o título de licenciado, graduado ou diplomado nas áreas de coñecementos relacionadas no Anexo I para cada unha das bolsas convocadas na data en que remate o prazo de presentación de instancias.
3. Non ter cumpridos os 31 anos na data en que remate o prazo de presentación de solicitudes.
4. Non estar incapacitado fisicamente nin padecer enfermidade que poida impedir o desenvolvemento da actividade obxecto da bolsa.
5. Non ter sido beneficiario dunha bolsa remunerada na Deputación de Pontevedra nin en calquera dos entes, organismos ou entidades do sector público.
6. Non ter experiencia laboral previa na profesión ou área de coñecementos, entendendo por tal non haber estado contratado polo grupo 1 ou 2 de cotización.
7. Acreditar o coñecemento da lingua galega, nivel Celga IV.
8. Estar disposto a asumir os gastos de desprazamento ó centro de traballo de destino.
9. Non estar incurso nalgunha das prohibicións sinaladas no artigo 13 da Lei 38/2003, de 17 de novembro, xeral de subvencións.

Información de contacto

http://www.bop.depo.es/bop.PONTEVEDRA/2013/bop.PONTEVEDRA.20130102.001.pdf